به‌هۆی قه‌یرانی ئێستای عێراقه‌وه یارییه‌كه‌ی نێوان حكومه‌ت و په‌رله‌مانی هه‌رێمی كوردستان، بۆ مانگی ئازاری ئه‌مساڵ دواخرا.
ئه‌و یارییه‌ی، كه بڕیاربوو له‌نێوان حكومه‌تی هه‌رێمی كوردستان و په‌رله‌مانی كوردستان له‌سه‌ره‌تای مانگی تشرینی دووه‌می ساڵی رابردوودا ئه‌نجام بدرێت بۆ مانگی ئازاری ئه‌مساڵ دواخرا.
شێردڵ ته‌حسین ئه‌ندامی لیژنه‌ی وه‌رزش و لاوان له په‌رله‌مانی كوردستان به ئێن ئاڕ تی ڕاگه‌یاند: به‌هۆی ئه‌و قه‌یرانه‌ی كه ئێستا عێراقی پێدا تێپه‌ڕ ده‌بێت بڕیاریانداوه یارییه‌كه بۆ مانگی 3ی ئه‌مساڵ دوابخرێت.
وتیشی، دیاریكردنی مانگی ئازار له‌به‌ر ئه‌وه‌یه ئه‌و مانگه چه‌ندین بۆنه‌ی ترو چالاكی جۆراوجۆری تێدایه.
بڕیاریشه یاری نێوان حكومه‌ت و په‌رله‌مان له‌یاریگایی فرانسۆ هه‌ریری له‌شاری هه‌ولێر ئه‌نجام بدرێت و داهاته‌كه‌ی بدرێت به كه‌س و كاری شه‌هیدان و ئه‌نفالكراوان.
