به‌گوێره‌ی هه‌واڵێكی ئاژانسی (ئور)، له یه‌كێك له فه‌رمانگه‌كانی سه‌ر به وه‌زاره‌تی كاره‌بای عیراق كامێرای چاودێریی له ته‌والێتی ژنان دانراوه.
به‌پێی ئه‌و زانیارییانه‌ی كه ئاژانسی ئور له‌زاری سه‌رچاوه‌یه‌ك له‌ناو ئه‌نجومه‌نی نوێنه‌رانی عیراقه‌وه بڵاویكردووه‌ته‌وه‌و نه‌یستووه ناوی بهێنرێت، له فه‌رمانگه‌ی پڕۆژه‌كانی سه‌ربه وه‌زاره‌تی كاره‌بای عیراق و له ته‌والێتی ژناندا كامێرای چاودێری دانراوه، ئه‌مه‌ش وایكردووه فه‌رمانبه‌ره ژنه‌كان له‌و فه‌رمانگه‌یه هه‌ڵبێن.
سه‌رچاوه‌كه بۆ ئاژانسی ئور ته‌ئكیدی كردووه‌ته‌وه، كه پاسه‌وانه‌كانی بریكارێكی پێشكه‌وتووی وه‌زاره‌تی كاره‌با سه‌رجه‌م فه‌رمانگه‌كانی پشكنیوه بۆ به‌دواداچوونی رووداوه‌كه‌و ترس و دڵه‌ڕاوكێیان خستووه‌ته نێو فه‌رمانبه‌ران و كارمه‌ندانه‌وه.
