رۆژنامه‌ی "الیوم" ی سعودی بڵاویكرده‌وه له‌ناوچه‌ی "جازان" له‌سعودیه پیاوێكی 90 ساڵان كچێكی 15 ساڵانی خواستووه له‌به‌رانبه‌ر 45 هه‌زار ریالی سعودی.
سه‌رچاوه‌یه‌كی نزیك له‌كه‌سوكاری كچه‌كه‌و مێرده‌كه‌ی، رایگه‌یاندووه له‌شه‌وی هاوسه‌رگیریه‌كه‌دا كێشه له‌نێوان بوكه 15 ساڵانه‌كه‌و مێرده 90 ساڵانه‌كه‌ی روویداوه.
رووداوه‌كه كاتێك روویداوه كه مه‌راسیمی ئاهه‌نگی گواستنه‌وه‌كه ته‌واوبووه‌و له‌شه‌وی گواستنه‌وه‌یدا بوكه 15 ساڵانه‌كه سه‌رقاڵی مێرده‌كه‌ی قۆستۆته‌وه‌و چووه‌ته ژورێكه‌وه‌و ده‌رگای له‌سه‌ر خۆی داخستووه.
هره‌چه‌نده مێرده‌كه‌ی داوای له كچه‌كه كردووه ده‌رگاكه بكاته‌وه به‌ڵام كچه‌كه ره‌تیكردووه‌ته‌وه‌و ئه‌و ره‌وشه‌ش به‌درێژایی شه‌و به‌رده‌وام بووه، له‌گه‌ڵ هاتنی به‌ره‌به‌یاندا پیاوه‌كه بانگی خێزانی كچه‌كه ده‌كات و دواتر كچه‌كه ده‌رگاكه ده‌كاته‌وه.
خێزانی كچه‌كه كه ده‌بینن كچه‌كه زۆر گریاوه‌و جلوبه‌رگی بوكێنیه‌كه‌ی دڕاندووه وه‌ك ناڕه‌زاییه‌ك به‌رانبه‌ر شوكردنی به‌و پیاوه 90 ساڵانه‌یه، ده‌ستی كچه‌كه‌یان گرتووه‌و بردویانه‌وه بۆ ماڵه‌وه.
هه‌رچه‌نده كه‌سوكاری پیاوه‌كه داوایان له‌خێزانی كچه‌كه كردووه بیگه‌ڕێنێننه‌وه بۆ لای پیاوه 90 ساڵانه‌كه، به‌ڵام ئه‌وان ره‌تیانكردووه‌ته‌وه‌و كێشه‌كه چووه‌ته دادگا.
رۆژی چوارشه‌ممه‌ی رابردوو دادگا له‌دوا دانیشتنیدا بڕیاریدا بڕی پاره‌كه بۆ پاوه‌كه بگه‌ڕێنرێته‌وه‌و پیاوه‌كه كچه‌كه ته‌ڵاق بدات.
