یه‌كێكی تر له‌و یاریزانانه‌ی كه خۆزێ مۆرینیۆ بریاریداوه سزای بدات، ئه‌نخێل دی ماریای ئه‌رجه‌نتینی و یاریزانی لای چه‌پی ریاڵ مه‌دریده‌و له‌دواین سێ یاری رابردودا له‌سه‌ر كورسی یه‌ده‌گ دانراوه.
رۆژنامه‌كانی ئیسپانیا باس له‌وه ده‌كه‌ن كه دوای ئیكه‌ر كاسیاس كه له‌لایه‌ن خۆزێ مۆرینیۆی راهێنه‌ره‌وه سزا دراوه‌و له‌سه‌ر كورسی یه‌ده‌گ داده‌نرێت، یاریزانێكی تریش به‌ر هێرشی مۆرینیۆ ده‌كه‌وێت كه ئه‌ویش ئه‌نخێل دی ماریای ئه‌رجه‌نتینیه.
ئه‌م یاریزانه له‌سه‌ره‌تای ئه‌م وه‌رزه ئاستێكی لاوازی پێشكه‌ش كردو هه‌ر به‌و هۆیه‌شه‌وه مۆرینیۆ بریاریداوه سزای بدات و بۆ چه‌ند یاریه‌ك دوریبخاته‌وه.
رۆژنامه‌ی ماركا دوپاتیده‌كاته‌وه كه دی ماریا قوربانیه‌كی تری ده‌ستی مۆرینیۆیه‌و پێده‌چێت تا كۆتایی ئه‌م وه‌رزه زۆربه‌ی كاته‌كانی له‌سه‌ر كورسی یه‌ده‌گ به‌سه‌ر به‌رێت.
