زۆرن ئه‌و كه‌سانه‌ی كه به ده‌ست كێشه‌كانی پێست زیپكه‌و په‌ڵه‌وه ده‌ناڵێنن , پسپۆڕانی بواری خۆراكیش لیستێكیان دیاری كردووه , كه خۆراك و ماددانه‌ی تێدایه كه بۆ ته‌ندروستی پێست گرنگن.
به مه‌به‌ستی پاراستی پێست و ڕزگاربوون له په‌ڵه و زیپكه , پزیشكه پسپۆڕه‌كان چه‌ند خۆراكێكیان دیاری كردووه , كه بۆ ته‌ندروستی پێست گرنگن , ئه‌وانیش بریتین له:
ترشه چه‌وریه‌كان:
ئه‌و خۆراكانه‌ی كه ده‌وڵه‌مه‌ندن به ترشه چه‌ورییه‌كان یارمه‌تی نه‌رم كردنه‌وه‌ی پێست ده‌ده‌ن و واده‌كه‌ن پێست به شێوه‌یه‌كی جوانتر ده‌ركه‌وێت , گرنگترین ئه‌و خۆراكانه‌ش كه ده‌وڵه‌مه‌ندن به ترشه چه‌وریه‌كان بریتین له ماسییه‌كان به گشتی و ماسی سه‌له‌مون به تایبه‌تی هه‌روه‌ها , باده‌م و ناوكی كه‌تان.
برنج و نانی جۆ:
مادده خۆراكیه‌كانی ناو برنج و نانی جۆ مادده ژه‌هراویه‌كانی له‌ش به گشتی و پێست به تایبه‌تی له‌ناو ده‌به‌ن , هه‌روه‌ها وا ده‌كه‌ن كه پێست به شێوه‌یه‌كی ساف ده‌ربكه‌وێت.
ڤیتامین بی6:
ئه‌م جۆره‌ی ڤیتامین ده‌بێته هۆی ڕێخستنی هۆرمۆنه‌كانی پێست , ئه‌مه‌ش واده‌كات كه پێست به دووربێت له ده‌ركه‌وتنی زیپكه , گرنگترین ئه‌و خۆراكانه‌ش كه ده‌وڵه‌مه‌نده به‌م جۆره‌ی ڤیتامین بریتین له مۆز و گوێزه‌ر و قه‌ڕنابیت.
میوه جۆراوجۆره‌كان:
به‌هۆی بونی چه‌ندین جۆری ڤیتامین و ماده‌ی خۆراكی و ماده‌ی دژه ئۆكسید له پێكهاته‌ی میوه‌كاندا , چه‌ندین سود به پێست ده‌گه‌یه‌نن , به خواردنی میوه‌كان ده‌بینه خاوه‌نی پێستێكی ته‌ندروست.
