[color:bad2=blu[color=blue]e] بەرێوەبەری گشتی دیوانی وەزارەتی دارایی هەرێم رایگەیاند، دواكەوتنی موچەی هەندێ فەرمانگە بەهۆی ئەوەوە بووە كە ئەو پارەیە لە حكومەتی ناوەندەوە دێت و هەندێ جار ئەو بەروارە كەوتووەتە رۆژە پشووەكانەوەو لە ئەنجامدا موچەی هەندێك لە فەرمانبەران دواكەوتووە.
محەمەد ساڵح رەئووف، بەرێوەبەری گشتی دیوانی وەزارەتی دارایی هەرێم بە (خەندان) ی رایگەیاند: موچەی تەواوی ئەو فەرمانگانە دابەش دەكرێت كە تا ئێستا موچەیان وەرنەگرتووە.
ئاشكراشیكرد لەبەرنامەدایە لە مانگەكانی داهاتوودا پێدانی موچەی وەزارەتەكانی پەروەردەو تەندروستی و پێشەمەرگە لە پێش وەزارەتەكانی تردا بدرێت.
ئەم وتانەی بەرێوەبەری گشتی دیوانی وەزارەتی دارایی لە میانی سەردانێكی وەزیری دارایی و ئەنجومەنی وەزارەتدا هات بۆ قەزای چەمچەماڵا و كۆبونەوەیان لەگەڵ ئیدارەو فەرمانگەكانی ئەو قەزایە.