نه‌وشیروان مسته‌فا سه‌ردانی هێرۆ ئیبراهیم ئه‌حمه‌دی كرد
PM:09:01:07/01/2013
خه‌ندان-
ئێواره‌ی ئه‌مڕۆ دووشه‌ممه، نه‌وشیروان مسته‌فا رێكخه‌ری گشتی بزوتنه‌وه‌ی گۆڕان سه‌ردانی هیرۆ ئیبراهیم ئه‌حمه‌د خانمی یه‌كه‌می عیراق و ئه‌ندامی مه‌كته‌بی سیاسی یه‌كێتی نیشتیمانی كرد.
سایتی (SNN) بڵاویكرده‌وه، كه ئامانجی سه‌ردانه‌كه‌ی نه‌وشیروان مسته‌فا هه‌واڵ پرسینی باری ته‌ندورستی سه‌رۆك مام جه‌لال بووه، كه ئێستا له ئه‌ڵمانیا له ژێرچاودێری پزیشكدا، چاره‌سه‌ر وه‌رده‌گرێت.
له و دیداره‌دا نه‌وشیروان مسته‌فا هه‌واڵی ته‌ندروستی سه‌رۆك مام جه‌لال-ی پرسی و ئومێدی خواست ته‌ندروستی به‌ره‌و جێگیربوونی زیاتر هه‌نگاو بنێت.
خاتوو هێرۆ ئیبراهیم ئه‌حمه‌د-یش نه‌وشیروان مسته‌فای له جێگربوونی زیاتری ته‌ندروستی سه‌رۆك مام جه‌لال دڵنیاكرده‌وه و رایگه‌یاند به‌پێی پشكنینه پزیشكیه‌كان رۆژ له‌دوای رۆژ ته‌ندروستی به‌ره‌وجێگیربوونی زیاتر ده‌ڕوات.
