هانی بە(سڤیل)ـی راگەیاند، نە حكومەت نە هیچ بەرپرسێك لەكوردستان هاوكاری پرۆژە هونەرییەكانی ناكات، بەڵكو لەسەر ئەستۆی خۆی كارەكانی رادەپەڕێنێت خانمە هونەرمەند هانی لەلێدوانێكیدا بۆ (سڤیل) گوتی “تائێستا زۆربەی كارەكان لەسەر ئەستۆی خۆم و بە داهاتی كۆنسێرت و ئاهەنگەكانم بووە، جارێكیش بەهۆی ریكلامكردن بووە، كە لەهەموو دنیا هونەرمەند بەمشێوەیە كاری هونەری دەكات و دەبێ پشت بەخۆی ببەستێت”. ئەم قسانەی هانی پێچەوانەی ئەو دەنگۆیانەیە كە لەكوردستان بەرپرس و حكومەت هاوكاری زۆری هونەرمەندانی ئافرەت دەكەن، هانی لەوبارەیەوە گوتی “تائێستا ئەوە بۆ من نەبووە، نازانم بۆ هونەرمەندانی دیكە ئەم هاوكارییە شەخسییە هەبووە یاخود نا، بەڵام من هاوكاری شەخسی رەتدەكەمەوە”.
