[img]
[/img]
وته‌بێژی به‌ره‌ی نه‌سره‌ی سوریا ئاشكرای كرد كه غاده عویس بێژه‌ری كه‌ناڵی جه‌زیره له سوریا لاقه نه‌كراوه، به‌ڵكو جیهادی نیكاحی ئه‌نجام داوه.
رۆژنامه‌ی "وه‌ته‌ن"ی فه‌له‌ستینی كه به پشتیوانی بۆ ئۆپۆزسیۆنی سوریا ناسراوه، له زاری وته‌بێژی به‌ره‌ی نه‌سره‌ی سوریا بڵاویكرده‌وه كه غاده عویس بێژه‌ری كه‌ناڵی جه‌زیره له سوریا لاقه نه‌كراوه، به‌ڵكو به‌خواستی خۆی، خۆی پێشكه‌شی ئه‌میری گروپه‌كه كردووه و جیهادی نیكاحی ئه‌نجام داوه.
له چه‌ند رۆژی رابردوودا ده‌نگۆی ئه‌وه بڵاوبووه‌وه كه غاده عویس بێژه‌ری كه‌ناڵی جه‌زیره له سوریا له‌لایه‌ن چه‌كدارانی سه‌ر به به‌ره‌ی نه‌سره‌وه پێشكه‌شی ئه‌میری گروپه‌كه كراوه بۆ ئه‌وه‌ی سێكسی له‌گه‌ڵ بكات، ئه‌میری گروپه‌كه‌ش به یارمه‌تی ژماره‌یه‌ك له پیاوه‌كانی لاقه‌ی كردووه.
به‌ڵام كه‌ناڵی جه‌زیره ئه‌و هه‌واڵانه‌ی ره‌تكرده‌وه و رایگه‌یاند كه عویس ته‌ندروستی باشه ئه‌و هه‌واڵانه‌ی باس له لاقه‌كردنی ده‌كه‌ن له‌لایه‌ن ئه‌میری گروپی به‌ره‌ی نه‌سره له سوریا هه‌ڵه‌ن و دوورن له راستییه‌وه.
پێشتر چه‌ند رۆژنامه‌یه‌ك بڵاویان كرده‌وه كه غاده عویس پێشكه‌شكاری كه‌ناڵی جه‌زیره له‌كاتی رووماڵكردنی رووبه‌ڕووبوونه‌وه چه‌كدارییه‌كانی شاری حه‌ڵه‌بدا له‌لایه‌ن ئه‌میری گروپی به‌ره‌ی نه‌سره‌وه لاقه كراوه و ئه‌میری گروپه‌كه ئه‌و پێشكه‌شكاره لوبنانییه‌ی له‌گه‌ڵ تیمێكی هونه‌ری كه‌ناڵه‌كه بردووه‌ته نووسینگه‌كه‌ی به‌مه‌به‌ستی ئه‌نجامدانی چاوپێكه‌وتنێكی رۆژنامه‌وانی، به‌ڵام پاسه‌وانه‌كانی رێیان نه‌داوه تیمه‌كه بچنه نووسینگه‌كه و ته‌نها پێشكه‌شكاره‌كه چووه‌ته نووسینگه‌كه‌وه.
به‌گوێره‌ی رۆژنامه‌كان، پاسه‌وانه‌كانی ئه‌و ئه‌میره هێزیان به‌كارهێناوه بۆ دوورخستنه‌وه‌ی تیمی هونه‌ری كه‌ناڵی جه‌زیره و ئه‌میری گروپه‌كه‌ش پێشكه‌شكاره‌كه‌ی لاقه‌كردووه.
دوای لاقه‌كردنه‌كه‌ش غاده له بارێكی ده‌روونی ناهه‌مواردا به‌خێرایی سوریای جێهێشتووه به‌ره‌و سنووری توركیا و له‌وێشه‌وه به‌ره‌و قه‌ته‌ر.
