بهرپرسی نووسینگهی سلێمانی كۆمیسیۆنی باڵای سهربهخۆی ههڵبژاردنهكانی عیراق، ئهوهی خستهڕوو لهكۆی 60 ههزار ئاوارهی شارهكانی دیكهی عیراق، كه له سلێمانیدا ههن، تهنها ههزار كهس ناوی خۆیان تۆماركردووه بۆ دهنگدان بۆ ئهنجومهنی پارێزگاكانی عیراق.
هاوڕێ تۆفیق، بهرپرسی نووسینگهی سلێمانی كۆمیسیۆنی باڵای سهربهخۆی ههڵبژاردنهكانی عیراق، به (خهندان)ی راگهیاند: ماوهی تۆماری دهنگدهران بۆ ههڵبژاردنی ئهنجومهنی پارێزگاكانی عیراق كۆتایی پێهاتووهو ههرچهنده ئهو ماوهیهش درێژكرایهوه، بهڵام وهك پێویست هاوڵاتیانی ئاواره نههاتوون ناوی خۆیان تۆماربكهن.
ئهوهشی ئاماژهپێكرد، له سنووری پارێزگای سلێمانی شهش بنكهی تۆماری دهنگدهران كرابوویهوهو لهسهرجهم ئهو بنكانه تهنها ههزار كهس ناوی خۆی تۆماركردووه، لهكاتێكدا بهڕێوهبهرایهتی كۆچو كۆچبهرانی سلێمانی نزیكهی 60 ههزار ئاوارهی شارهكانی دیكهی عیراقی تۆماركردووه له سلێمانی.
ههڵبژاردنی ئهنجومهنی پارێزگاكانی عیراق بریاره 22ی نیسانی ئهمساڵ له سهرجهم پارێزگاكانی عیراق جگه له سێ پارێزگاكهی ههرێمی كوردستانو پارێزگای كهركوك بهڕێوهبچێت