خه‌ندان- هێڤی خالید
كه‌مێك له‌مه‌وبه‌ر له‌گه‌ڕه‌كی تووی مه‌لیك له شاری سلێمانی، ژنێكی ته‌مه‌ن 22 ساڵ خۆی خنكاند و تا ئێستاش هۆكاری خۆخنكاندنه‌كه‌ی نه‌زانراوه.
عه‌مید سامان مه‌حمود به‌ڕێوبه‌ری ڕاگه‌یاندنی پۆلیسی سلێمانی له‌لێدوانێكدا بۆ خه‌ندان وتی: "ئه‌و ژنه له‌دایك بووی ساڵی 1992 و خاوه‌نی منداڵێكه".
وتیشی: "له ڕێگه‌ی محاجه‌ره‌ی پلیكانه‌ی ماڵه‌كه‌یان خۆی هه‌ڵواسیووه و به‌وهۆیه‌وه گیانی له‌ده‌ستداوه".
به‌ڕێوبه‌ری ڕاگه‌یاندنی پۆلیسی سلێمانی ئاماژه‌ی به‌وه‌شكرد كه "به‌پێی وته‌ی خانه‌واده‌كه‌ی ده‌ڵێن نه‌خۆشی ده‌رونی هه‌بووه و سكاڵایان له‌سه‌ر هیچ كه‌سێك نییه".
عه‌مید سامان وتیشی: "لێكۆڵینه‌وه له رووداوه‌كه به‌رده‌وامه بۆ ئه‌وه‌ی بزانرێت كه هۆكاری خۆخنكاندنه‌كه‌ی چی بووه".
