ڕووبارێک لە خوێن

" />  

ماوەی چەند رۆژێکە رووبارێکی خوێناوی لە شارۆچکەی "مایجاڤا" لە  سلۆڤاکیا کە دەکەوێتە ناوەڕاستی ئەوروپاوە دۆزراوەتەوە و هەرایەکی زۆری ناوەتەوە لەو وڵاتەداو دەنگۆی زۆر هەیە لەسەری.

ئەم رووبارە کە بە شارۆچکەی مایجاڤا دا تێپەر دەبێت و دەکەوێتە سلۆڤاکیاوە، لە هەندێ کاتدا له‌ رەنگی ئاساییەوە لەناکاو رەنگەکەی دەگۆڕێت بۆ سورێکی تۆخ کە بە تەواوەتی لە رەنگی خوێن دەچێت.

دەنگۆکان زۆرن لەسەر ئەم رووبارە و چەند کەسێک گومانی ئەوە دەکەن کە لە شەودا  کەسانێک بکوژرێن و سەر ببڕدریَن و بخریَنە ئەم رووبارەوه‌، هەندێکایان دەیگەڕیَننەوە بۆ مردنی ماسیەکان، له‌گه‌ڵ ئه‌وه‌شدا چەندین دەنگۆی دیکە لەسەر ئەم دیاردەیە هەیە.

"رۆمان پۆدبریزۆڤا" کە یەکێکە لە دانیشتوانی ئەو گوندە رایگەیاند: بەیانیەکی زوو کاتێک بەوێدا تێپەڕبوە بینیویەتی لە ناکاو رەنگی رووبارەکە گۆڕاوە بۆ سورێکی تۆخ کە بەتەواوی لە رەنگی خوێن چووە و ئەوەشی خستەڕوو کە ئەوە شتێکی ناخۆش بووە و بە تەواوەتی لە فیلمی ترسناک چووە.

دانیشوویەکی دیکەی ئەو شارۆچکەیە رایگەیاند: لە ئێوارەی شەوی رابوردوودا کاتێک بەوێدا تێپەڕیوە لەو کاتەدا ئاوەکە زۆر ئاسایی بووە، بەڵام لە ناکاو بە هەمان شێوە رەنگەکەی گۆڕاوە.
[img(12px,12px)][/img]