خه‌ندان ـ سامان عادل
به‌هۆی نه‌پۆشینی جلوبه‌رگی ئیسلامییه‌وه، گرووپێكی تیرۆریستی ناوی 20 ژنی شارۆچكه‌ی حه‌ویجه ده‌خه‌نه لیستی مه‌رگه‌وه، تائێستاش دوان له‌وانه تیرۆر كراون.
سه‌رچاوه‌یه‌كی ئه‌منی له پۆلیسی حه‌ویجه تایبه‌ت به (خه‌ندان)ی ڕاگه‌یاند، له‌لایه‌ن گرووپێكی تیرۆرستییه‌وه به بیانو‌وی نه‌پۆشینی جلوبه‌رگی ئیسلامی، ناوی 20 ژنی شارۆچكه‌ی حه‌ویجه خراونه‌ته لیستی مه‌رگه‌وه‌و ناوه‌كانیان له‌و شارۆچكه‌یه بڵاوكراونه‌ته‌وه.
وتیشی: "پاش بڵاوبو‌ونه‌وه‌ی ناوه‌كانیشیان دوو ژنیان له‌لایه‌ن كه‌سوكاره‌كانیانه‌وه كوژراون".
بۆ پشتڕاستكردنه‌وه‌ی هه‌واڵه‌كه‌ش (خه‌ندان) په‌یوه‌ندی كرد به عه‌مید سه‌رحه‌د قادر، به‌ڕێوه‌به‌ری پۆلیسی قه‌زاو ناحیه‌كان له وه‌ڵامدا به (خه‌ندان)ی راگه‌یاند: "به‌پێی ئه‌و زانیاریانه‌ی كه گه‌یشتو‌وه به پۆلیسی قه‌زاو ناحیه‌كان، تائێستا له‌لایه‌ن ئه‌و گر‌ووپه تیرۆرستییه‌وه یه‌ك ئافره‌ت كوژراوه‌و یه‌كێكی دیكه‌ش ته‌هدید كراوه".
له لێدوانه‌كه‌یدا بۆ خه‌ندان به‌ڕٍێوه‌به‌ری پۆلیسی قه‌زاو ناحیه‌كانی كه‌ركوك، وتیشی: "پاش لێكۆڵینه‌وه‌ی پۆلیس له‌گه‌ڵ ئه‌و ئافره‌ته‌ی كه ته‌هدید كراوه، ئافره‌ته‌كه هۆكاری ته‌هدیده‌كه‌ی بۆ ئه‌وه گه‌ڕاندو‌وه‌ته‌وه كه هاوكاریی هێزه‌كانی پۆلیس ده‌كات له‌و شارۆچكه‌یه
