ل روژا دووشهمبی 14-1-2013 دهێرشێن ههوای یێن بالهفرێن جهنگی یێن توركیا دا بو سهر دهڤهرێن پاراستنا مهدیایێ 7 گهریلایێن پهكهكێ گیانێ خو ژدهست دایه.
د راگههاندنهكێدا ناڤهندا چاپهمهنی و راگههاندنا ههپهگێ كوژرانا 7 گهریلایان دهێرشێن ههوای یێن بالهفرێن جهنگی یێن توركیا دا بو رایا گشتی پارڤهكرن.
دوێ راگههاندنێدا كوپیهك بو خهندان هاتیه شاندن، تێدا هاتیه "دشهرت و مهرجێن ههری زهی حمهت یێن زڤستانێ دا حكومهتا توركیا تهكتیكێن پێشكهفتنی ب كار دئینیت و هێرشێن ههوای پێك دئینیت".
ناڤهندا چاپهمهنی و راگههاندنا ههپهگێ راگههاندیه د 14ی چلهدا روژا دوو شهمبی ئارتێشا توركیا ل دژی ههرێمێن پاراستنا مهدیایێ هێرشێن ههوای پێك ئینانه و دئهنجامێ وێ بوردومانا بالهفرێن جهنگی یێن توركیا 3 گهریلا ب گرانی برینداربونه و تهڤی ههمی مداخلهیا نههاتنه خلاسكرن.
ناڤهندا چاپهمهنی و راگههاندنا ههپهگێ دوێ راگههاندنێدا ئهو ژی دیاركریه "دئهنجامێ وان هێرشاندا 7 شهركهرێن ئازادیێ گیانێ خو ژدهست دایه".